Castelmaure SCV
4, route des canelles 11360 Embres & Castelmaure.
Tél. : +33 (0)4 68 45 91 83. Fax : +33 (0)4 68 45 83 56.
Nòstras vinhas, segur, son pincadas al cap del finimond. I a pasmens d’encaminaments simples per nos venir veire. Venent de Barcelona e Perpinhan, daissatz l’A9 a Leucata (sortida 40), gandissètz-vos a Cavas per la D27, puèi a Trelhas, Fulhan, Sant Joan de Barron e finalament Embres e Castèlmaure ; un còp arribat, podètz pas mancar la cava qu’es al mai centre del vilatge, mai encara que la comuna o la glèisa. Venent de Montpelhièr e Narbona, daissatz l’A9 a Sijan (sortida 39), passatz una òrra zòna comerciala e seguissètz puèi la deleitosa D205 cap a Fraisse de las Corbièiras, Sant Joan de Barron e fin finala Embres e Castèlmaure. Venent de Bordèu, Tolosa e Carcassona, daissatz l’A61 a Lesinhan de las Corbièiras (sortida 25), arribatz a Ferrals, puèi prenètz la D106 fins a Vilaroja la Cremada e la D611 fins a Tesan, Ripaud e Durban. A l’entrada de Durban, embrancatz la D27 fins a Sant Joan de Barron e la D205 cap a Embres e Castèlmaure. Per maites detalhs, consultatz Mappy ! Sapiatz tanben que las garas de Perpinhan e Narbona aculhisson lo TGV. de navettes aériennes régulières son dobèrtas dins los aeropòrts de Perpinhan e Carcassona.
Per albergar a Embres e Castèlmaure, i a mai d’una solucion dins d’abitarèlas (‘gîtes’) o de cambras d’òstes. Ne podètz saber mai a L'Embrésienne que vos recebrà dins de confortables ostals de vinhairons, als Gîtes de Camille que prepausan una bèla jaça a las pòrtas del vilatge, a la cava tanben o sul site des Gîtes de France de l'Aude que prepausa d’adreiças dins la comuna.
